هاي القصة غريبة من نوعها شوي
تدرون انتو بايام الثانوية بالمنهج الدراسي (اللغة العربية )
قالو لبنات بالثانوية يسوون مسرحية بسيطة عن الزواج
بما ان البنات بيتخرجون من الثانوية وتقريبا نصهم بيتزوجون
فقالو يلا
نبغي كم بنت وحدة تمثل دور العروس
ووحدة تمثل دور ام البنت
وحدة تمثل دور ام الولد(العريس ) وطبعا العريس كانت بنت بس علشان المسرحية تمشي
ووكم وحدة يمثلون دور اقارب الزوج واقارب الزوجة
طبعا البنت (العروس ) اختاروها لانها كان شكلها طفولي شوي ولان السيناريو كان فيه نصوص
تحتاج طلاقة في الكلام وشعر وما اعرف شو وتاثيرات
وكانت هالمسرحية على مستوى التعليم
فيوم المسرحية (يوم العرض )
لبست البنت فستان عروس اصلي بمعنى الكلمة
يعني منفوش وايد وعلى الموضة وطرحة طويلة طول فظيع ولابسة هذاك الكعب (يحليلها قصيرة)
وهي بس استشورت شعرها شوي
وحطت مكياج خفيف علشان تمشي مع الموضوع
والكل حباها وقال تنفعين تستوين عروس ( هي ما تبا تعرس يعني , هي فكرة العرس هاي مب داشة عقلها
بس علشان الدرجات هههههههههههههههههههه )
المهم القت كلمتها ودشت مثل العروسات وحطو عليها زفة وهي شايلة الورد والكل يطالعها
وصدق حسبت عمرها عروس ههههههههههههههههههههههههههه
وشوي شوي تمشي والا اخره
فبنص المسرحية
معلمة العربي كانت حامل وكانت بشهرها التاسع وهي كانت برا تستقبل الضيوف اللي ياو للمدرسة
فشوي والبنت تسوي دورها الا وتسمع صوت المعلمة تصارخ
الحلوة قطعت المسرحية
ونقزت من فوق المسرح وركض بالفستان عند المعلمة
الكل لحقها من البنات الموجودين
وياسين يركضون بالمدرسة وبالممر لين ما وصلو للمعلمة
المعلمة قالت يلا اتصلو بالاسعاف
ويحليلها البنت خلاص بتموت من الخوف
ركضت للادارة بفستان العرس ( اتخيلو )
واتصلت بالاسعاف
ولما رجعت عند المعلمة ( وهي تصارخ قالتلها اتغطي علشان زوجي بيي وما ابغيه يشوفج بعدين ينعجب فيج )
المهم قالت البنت بروحها (الحين هاي بتهتم للي في بطنها ولا بتخاف على ريلها )
المهم ياو الاسعاف وتغطت البنت بس من فوق يعني الفستان من تحت كان طالع
وكل الاسعاف يطالعون بهالبنت
وهي مستحية
ويا زوج الحرمة والبنت وهي متغطية تقول لزوج المعلمة طمنا عليها
وهو يالس يطالع فيها ويضحك
يقول شو السالفة يعني
مستغرب هو..
فراحت المعلمة المستشفى
والمسرحية اختربت
والبنات راحو الحمام علشان يبدلون
لانه خلاص اخترب كل شي
والبنات وهم رايحين الحمام يلحقون وهم لاحقينها , يدوسون على الفستان
وكل ساعة تتخرطف يحليلها
وماسكة الطرحة والفستان الثقيل
يعني عبالة عبالة
ههههههههههههههههههههههههههههههههههههههههههههه
اخر شي من كثر التعب
بعد ما بدلو البنات
شافو صورهم مع بعض في الصف ( الصور اللي خذوها للبنت وهي كانت تمثل
وتمو يضحكون عليها
ونامو يحليلهم لين ما استوت اخر الحصة وقامو وراحو البيت
الغريب بالموضوع
ما عرفتو منو هاي البنت ؟؟
انا بقولكم
هي كانت
girl's gun ..
وصدقوني انا مستحية عدل
بس كان الموقف ولا اروع
ولين الحين عندي الصور
هههههههههههههههههههههههههههههههههههههه
thanks
اسم المسرحية كانت : زواج الدلع
تاريخ : 2007-4-2
الصف : الثالث الثانوي / الادبي
الشخصية الاساسية : girl's gun
طبعا هالشخصية انتو تعرفونها (عضوة من اعضاء منتداها الغالي *مدااااااااااكم *
المواضيع المتشابهه
عروس بالثانوية (زواج الدلع )
العرض العادي
